2009 йил 2 июн
Гулнора Каримова қарамоғи остидаги Ижтимоий ташаббусларни қўллаб-қувватлаш фонди 2009 йилнинг 2 июнь куни "Замонавий ўзбек қишлоқ аёли" танлови ғолибларини тақдирлаш маросими ҳамда "Микрокредитбанк" АТБ ҳамда "Халк банки" ҳамкорлигида ташкил этилган фермер аёллар ютуқлари кўргазмасини ташкил этди.
Мамлакатимизда Қишлоқ тараққиёти ва фаровонлиги йилида ИТҚҚ фонди "Замонавий ўзбек қишлоқ аёли" танловини ўтказиб, шу тариқа фермерликни қўллаб-қувватлаш соҳасидаги фаолияти сарҳисобини амалга ошириб, ўзининг ижтимоий-йўналтирилган лойиҳаларига иштирокчиларнинг қизиқишини орттиришни кўзлаган эди. Фонд ушбу йўналиш бўйича 2007 йилдан бери фаолият юритаяпти. Танлов доирасида 70 нафар энг муваффаққиятли ва интилувчан аёллар ғолиб бўлишди.
Тақдирлаш қуйидаги номинациялар бўйича ўтказилди: «Қишлоқ фермер-аёлларнинг бизнес ташаббусларини қўллаб-қувватлаш учун», «Аёлларни ижтимоий қўллаб-қувватлаш учун», «Энг яхши чорвачи аёл», «Энг яхши бизнес-леди», «Қишлоқ аёлларини иш ўринлари билан таъминлаш», «Қишлоқ хўжалигига янги технологияларни олиб кириш учун», «Энг яхши қишлоқ мураббий аёли», «Энг ёш фермер аёл», «Энг яхши фермер-она» ва бошқалар.
Худди шу куни ўтказилган фермерлик ютуқлари кўргазмаси авваллари фаолиятини ривожлантириш учун грантлар олган аёлларнинг муваффақиятларини намойиш этиш имконини берди. Шунингдек, мамлакатимизда аёллар фермерлигини ривожлантиришга ҳисса қўшган аёллар тақдирланди.
Мавзу бўйича янгиликлар
Амалий санъат усталари ва ёш аёлларга грантлар топширилди