2009 йил 3 июл
Хориж мамлакатларида ўзбек маданиятининг ёрқин ва ноёб тақдимотлари Гулнора Каримова шафелигидаги Фонд Форумнинг ўзига хос қирраларидан бирига айланиб улгурди. 3 июль куни XIX асрда неоготика услубидаги Европанинг энг гўзал биноларидан бири бўлган - Вена ратушаси саройи ўзбек маданиятининг австриялик жамоатчилик билан танишув жойига айланди. Тошкентнинг 2200 йиллигига бағишланган ўзбек санъати кечасига Австриянинг расмий, дипломатик ва жамоат доиралари вакиллари, маданият ва санъат арбоблари таклиф этилди.
Улар орасида Австрия ташқи ишлар вазири маслаҳатчиси Артур Винклер-Хермаден, сенатор, Австрия савдо палатаси аъзоси Вальтер Гербаутс, шаҳзода Марио-Макс Шраумбург-Липпе, Австрия халқаро ҳамкорлик масалалари бўйича таълим, фан ва маданият федерал вазири вакили Йозеф Хёхтль, Вена шаҳар парламенти президенти Хайнц Хуфнагл, Австрия дипломатик корпуси раҳбари, Австрияда Ватикан элчихонаси раҳбари Питер Стефан Цурбриген, собиқ ички ишлар вазири, Австрия нафақахўрлар уюшмаси президенти Карл Блеха, собиқ ички ишлар вазири Каспер Айнэм, Ахборот сиёсати бўйича Россия Федерацияси кенгаши раиси, Фан, таълим, солиқни-сақлаш, экология бўйича Россия Федерацияси кенгаши аъзоси, Уй-жой сиёсати ва уй-жой коммунал хўжалиги бўйича Федерация кенгаши аъзоси Людмила Нарусова, австриялик дизайнер Ла Хонг, Италиянинг D.I.E.T йирик қурилиш компанияси президенти Иснардо Карта, анъанавий Австрия қўшиқлари ижрочилари эгазиклар Рот, австриялик машҳур кинопродюсер ва актер Норберт Блеха, оперо қўшиқчиси Даниэла дэль Монако, таниқли опера тенорининг ўғли, Белград Давлат операси собиқ директори Клаудио дель Монако, австриялик таниқли режиссёр ва актёр Роберт Дорнхельм, А-ТЕС Industries AG йирик саноат концерни кузатув кенгаши раиси Фраймут Добретсбергер, А-ТЕС Industries AG концерни асосчиси, раҳбари ҳамда директорлар кенгаши раиси Мирко Коватс ва бошқалар.
Лойиҳага Гертруда Таухаммер раҳбарлиги остида Society журнали ахборот кўмагини тақдим этди. Жамғарма, мана, бир неча йилки, Фонд Форум ва Ўзбекистон ҳақида туркум мақолалар чоп этиб келаётган журнал билан яқиндан ҳамкорлик қилиб келмоқда.
Вена байрами меҳмонларига мамлакатимизнинг ёш ва кўзга кўринган хонандалари иштирокидаги концерт дастури тақдим этилди. Концерт ўз ниҳоясига етгач, меҳмонлар Тошкентнинг 2200 йиллигига бағишланган, қадимий пойтахтимизнинг 100 та ноёб сурати ва замонавий муаллифларнинг ишларини ўзида жам этган "Тошкент: бугун ва эртага» фотокўргазмаси билан танишиш имконига эга бўлишди. Шунингдек, Ўзбекистон тақдимотининг Венадаги меҳмонлари ўзбек ошхонасининг сара таомлари, анъанавий шарқона ширинликдан тотиб кўришди.
Мавзу бўйича янгиликлар
Далиан Иқтисодий Форуми