2010 йил 10 октябр
Art Week Style.uz-2010 ҳафталиги қатор ўзига хос совғалар тайёрлаб қўйган. Бироқ L`OFFICIELнинг “Марказий осиёча” талқини тақдимоти мода ихлосмандлари учун ҳақиқий кутилмаган қувончли ҳодисага айланди. Гулнора Каримова ташаббуси билан амалга оширилган ушбу лойиҳани ҳаётга тадбиқ қилишда нашр соҳибаси Мари-Жозе Зюськинд-Жалю бевосита иштирок этди. Жалю хоним ўғри, француз тилидаги L’OFFICIEL муҳаррири Бенжамин Эймер билан бирга L`OFFICIEL CENTRAL ASIA журналининг илк сони тақдимотида иштирок этиш мақсадида Санъат ҳафталигига ташриф буюрди.
“...модага ихтисослашган юқори савияли журналга бизнинг бозоримиз тайёр эмас, деган фикрга қўшилмаган. Француз тилидаги L’Officiel журнали ҳамда «Les Editions Jalou» нашриёт уйининг бевосита иштироки билан яратилаётган мазкур журнал бизнинг журналхон дунёқарашидан келиб чиққан ҳолда талқин этилган, – L`OFFICIEL CENTRAL ASIA журналининг илк саҳифаларида Гулнора Каримова журналхонларни шундай сўзлар билан қарши олади. – Келгусида мақолаларни Марказий Осиёнинг сир-асрорларга бой маданияти нафаси билан қадам-бақадам бойитиб боришни режалаштирганмиз”.
10 октябрь куни L`Art de la Cuisine ресторанида ўтказилган тақдимотда француз тилидаги L`Officiel муҳаррири Бенжамин Эймер, Шарқона услубнинг Ғарбга хос услуб билан уйғунлашуви рамзи сифатида ўзбек абрбанди матосидан замонавий бичимда яратилган бежирим сумка совға қилар экан, шундай деди: «Ўзбекистон ҳақида мен жуда кўп гапираман. Ҳаттоки, баъзида ўзимни мамлакатингизнинг норасмий элчиси, деб ҳис қиламан. Журналнинг ҳақида гапирадиган бўлсам, шуни таъкидлаб ўтишни истардимки, янги замонавий услуб ва брендлар билан таништириш қаторида маҳаллий анъаналарни эъзозлаш ва уларнинг ўзига хос жиҳатларини эътироф этиш асосий мақсаддир».
Мадам Зюськинд-Жалю L`Officiel Буюк Ипак йўли бўйлаб эътироф қозона бошлаганидан боши осмонда эканини таъкидлаб ўтди. Гулнора Каримовага юзланар экан, уни журнални минтақада эътироф қозонишида катта ҳисса қўша олишига шубҳа қилмаслигини билдирди.
Франциянинг модага ихтисослашган энг олди журналларидан бири — L’Officiel Парижда 1921 йилда нашр этила бошланган. 1938 йили эса рангли фотосуратларни чоп этган мода оламидаги илк журналга айланган. Ўша вақтлари журнал эндигина шуҳрат поғонасидан кўтарилаётган модельерлар билан таништирарди. Улар орасида Жак Фат, Кристиан Диор бўлган. Бугунги кунда L’Officiel Франция, Россия, Хитой, Ҳиндистон, Туркия, Япония, БАА, Бразилия, Греция, Украинада чоп этилади. L’Officiel — энг интеллектуал fashion-журнал бўлиб, мода саноати мутахассиси, умидли дизайнерлар фаолиятини қўллаб-қувватловчи, маданий ҳаётда фаол иштирок этувчи “трендсеттер” (мода ўзгаришларини белгиловчи) деб тан олинган.
Мавзу бўйича янгиликлар
Art Week Style.uz-2010 – оламнинг “бешинчи ўлчам”и