2010 йил 12 май
12 май куни Тошкентда Гулнора Каримова Фонд Форум ва Ижтимоий ташаббусларни қўллаб-қувватлаш фонди (ИТҚҚФ) томонидан ташкил этилган “Ўзбекистондаги ҳудудий ННТларнинг ижтимоий аҳамиятли лойиҳаларини қўллаб-қувватлаш грант дастури” мавзусидаги давра суҳбатида иштирок этиб, унинг доирасида вилоятладардаги нодавлат ташкилотларга грантлар топширди. Тадбирда 100 нафарга яқин ННТлар, жамоат ва давлат ташкилотлари, ОАВ вакиллари иштирок этишди.
2010 йилнинг февраль ойида ўтказилган “Ижтимоий лойиҳа ва ташаббуслар интеграцияси” форумида Гулнора Ўзбекистондаги ҳудудий ННТларнинг ижтимоий аҳамиятли лойиҳаларини қўллаб-қувватлаш грант дастури»нинг старт олиши ҳақида эълон қилганди. Дастур мамлакатимиздаги нодавлат нотижорат ташкилотлари ташаббуси билан амалга ошириладиган ижтимоий аҳамиятга молик лойиҳаларни молиявий томондан қўллаб-қувватлаш, ижтимоий масалаларни ҳал этишга кўмаклашиш ва интилишларни бирлаштириш мақсадини кўзлайди. Ушбу дастурда мамлакатимизда рўйҳатдан ўтган ҳудудий ННТлар ўз лойиҳаларини қуйидаги йўналишларда тақдим этишлари мумкин: маданий ва миллий анъаналарни сақлаб қолиш ва қайта тиклаш, соғлиқни сақлаш, таълим, инфратузилма, экология ва бошқалар.
Энг яхши лойиҳаларни аниқлаш ва саралаш учун махсус Экспертлар кенгаши тузилган бўлиб, у ННТ, ОАВ, таълим, маданият ва санъат, маънавият ҳамда ижрочи ва қонун чиқарувчи, ўз-ўзини бошқарувчи органлар вакилларидан иборат. Экспертлар Кенгаши томонидан коллегиал равишда, ижтимоий ҳамкорлик тамойилларига амал қилган ҳолда кўриб чиқилиб, бунда ҳар бир иштирокчи ҳар қандай масштабдаги ижтимоий-аҳамиятли лойиҳаларниамалга оширишга бирдек жавобгардир.
Мавзу бўйича янгиликлар
Амалий санъат усталари ва ёш аёлларга грантлар топширилди