2010 йил 3 июн
3 июнь куни Москванинг «Tatler» (Radisson Royal Hotel Moscow) ресторанида айни чоғда Москвадаги SOHOJewelry заргарлик дўконларида сотувга қўйилган GULI заргарлик линиясининг high jewelry ва luxury-совғалар тақдимоти ўтказилди. Тадбирга машҳур дипломатлар, сиёсатчилар, тадбиркорлар, телебошловчилар, театр ва кино артистлари, дизайнер, режиссер, спортчилар ташриф буюришди: Игорь Крутой, Александр Шенкман, Аркадий Новиков, Михаил Леонтьев, Филипп Киркоров, Ани Лорак, Никита Высоцкий, Андрей Панин, Павел Лунгин, Максим Фадеев, Ирина Винер, Елена Ярмак, Ксения Собчак, Анатолий Максимов, Екатерина Мцитуридзе, Александр Шумский, Олег Табаков, Татьяна Михалкова, Оксана Пушкина, Денис Симачев ва бошқалар.
Кеча доирасида меҳмонлар машҳур ўзбек кулоллари Раҳимовлар сулоласининг муаллифлик инсталляцияси — “Минг бир шамчироқ” бетакрор экспозицияси билан танишиш имконига эга бўлишди. Экспозиция Фонд Форумнинг доимий кўмаги асосида амалга оширилган.
Анатолий Максимов: “Мен учун Ўзбекистон - ҳаётнинг шиддатли, эҳтиросли кечинмаларидир! Ранглар, ифорлар ва кучда ушбу мамлакатга тенг келадигани йўқ! Бугун биза Москва марказида яна Ўзбекистонга тушиб қолдик”.
Никита Высоцкий: “Барчаси ҳаёратга солади - тўпламнинг ўзи ҳам, унинг муаллифи ҳам, қолаверса, ҳар бир заргарлик буюми деталларида маҳорат билан ифода этилган маданият ва анъаналарга бўлган муносабат ҳам”.
Михаил Леонтьев: “Замонавий заргарлик бозори аллақачон одамларни ҳайратга солмай қўйган, ўзига хослиги билан ҳам ажралиб турмаяпти. Биз бугунги кўриб тугранимиз эса ажойиб ва ёқимли истичноди. Анъанавийлик ва замонавийликнинг ноёб чатишмасидир”.
Киро Хироюки Тагава: “Кечага қисқа ва лўнда таъриф бериш мумкин - ажиблик ва мумтозлик! Бу менинг севимли стилим. Намойиш этилган тўплам жаҳон даражасини акс эттиради”.
Татьяна Михалкова: “Анъанавийлик, миллийликнинг Европа анъаналари, замонавийлик билан уйғунлашувини кўриш ҳар доим ёқимлидир. Илиқ ва ёқимли кеча учун миннатдорчилик билдираман”.
Guli заргарлик бренди тарихи 10 йил муқаддам, дўстлар учун аталган илк муаллифлик тўплами яратилишидан бошланган. Гўзаллик ва нодирлик намунаси бўлган асарлар меҳмонларда катта таассурот қолдириб, муаллифни ушбу санъат турига шунчаки қизиқиш эмас, балки жиддий ижодий иш сифатида ёндошишга ундашди. Улар ўзларининг кўмак қўлларини чўзиб, санъат галереялари ҳамда заргарлик бизнеси вакилларидан буюртмаларни ташкиллаштиришга кўмаклашишди.
Бугунги кунда Guli заргарлик бренди бир қанча йўналиш ва линияларни бирлаштиради: high jewelry, trendy (аксессуарлар) линияси, luxury-совғалар, интерьерлар учун аксессуарлар, муаллифлик текстиль маҳсулотлари тўплами, либослар тўплами.
Мавзу бўйича янгиликлар
Баҳор-ёз-2010: ўзбек дизайнерларининг бетакрор асарлари