2009 йил 27 сентябр
Ўзбек мода ва маданиятининг яна бир ёрқин тақдимоти Милан мода ҳафталиги доирасида 27 сентябр куни Principe Di Savoia меҳмонхонасида бўлиб ўтди.
Guli Presents "Style.Uzbekistan" ўзбек замонавий мода санъатининг чинаккам байрамига айланган бўлиб, бу кеча миллий анъаналар ва замонавийлик уйғунлигини намоён этди. Мода кўргазмаси ва ундан сўнг ўтказилган гала-базм Милан шаҳар ҳокимияти, шахсан мэр Летиция Моратти ва Италия миллий мода федерацияси томонидан кўллаб-қувватланди. Гулнора ушбу тадбирларнинг нафақат муаллифи ва ташкиотчиси, балки ўзининг Guli брендидан янги тўплам намойиш этган дизайнер сифатида иштирок этди.
Кеча меҳмонлари орасида кўплаб машхур инсонлар бўлди: Италия миллий мода федерацияси президенти Mario Boselli, de Grisogono бренди асосчиси Fawaz Gruosi, Salvatore Ferragamo мода уйи президенти Ferruccio Ferragamo, дизайнерлар дизайнеры Riva Lorenzo ва Marta Marzotto, машҳур модельернинг рафиқаси Eva Cavalli, Russian Fashion Week президенти Александр Шумский, Барселона футбол клуби раҳбари Juan Laporta, футболистлар Lionel Messi ва Fabio Cannavaro, Аргентиналик супер-модель Belen Rodriguez, “Corona’s” фотоагентлиги раҳбари Fabrizio Corona ва бошқалар.
Абдуҳошим Исмоилов бошчилигидаги “Офарин” ансамбли ва жаҳон мусиқа афсонаси Хулио Иглесиаснинг биргаликдаги чиқиши кечанинг ўзига хос совғасига айланди. Машхур испан қўшиқчиси оқшом давомида ўзининг махсус мусиқий дастурини тақдим этди.
Шундан сўнг ташкил этилган ким ошди савдоси эса Италиянинг Абруццо худудида апрель ойида рўй берган зилзиладан талофат кўрганларга ёрдам беришга қаратилди.
Мавзу бўйича янгиликлар
Баҳор-ёз-2010: ўзбек дизайнерларининг бетакрор асарлари