2010 йил 11 май
11 май куни Гулнора Каримова Тошкентда бўлиб ўтган Замонавий глобал молиявий-иқтисодий жараёнлар контекстида Ўрта Осиёнинг нефт ва газ сектори истиқболлари халқаро давра суҳбатида иштирок этди. Ташкилотчилар — Гулнора бошчилигидаги Сиёсий тадқиқотлар маркази ва «Ўзбекнефтегаз» МХК. Давра суҳбатининг асосий мақсади Ўрта Осиёнинг энергетик салоҳияти ва унинг жаҳон молиявий-иқтисодий тизимидаги янги пайдо бўлаётган оқимлар шароитида ривожланишини кўриб чиқишдан иборат бўлди. Тадбир очиқ мулоқот тарзида ўтказилди.
Тадбирда нефт ва газ саноати, иқтисодий ва энергетик хавфсизлик, жаҳон сиёсатига ихтисослашган илмий тадқиқот тузилмалари, тегишли идораларнинг бошқарув даражасидаги маҳаллий ва хорижий мутахассислари, шунингдек Тошкентда рўйҳатдан ўтган дипломатик корпус, халқаро ташкилотлар ва энергетик компаниялар вакиллари иштирок этдилар. Қатнашчилар орасида Tethys, PETRONAS, Total, Repsol, «Газпром зарубежнефтегаз», Lukoil Overseas Uzbekistan, Sasol, Shlumberger, PLATTS, Жахон энергетик кенгаши, Халқаро энергетик агентлик каби етакчи энергетик корпорациялари ҳамда халқаро ташкилотларни таъкидлаб ўтиш мумкин.
Давра суҳбати давомида глобал энергетика бозорига таъсир қилиш соҳасида жаҳон иқтисодиёти ва молия тизимининг келгуси ривожланиши, Марказий Осиёнинг энергетика соҳасидаги истиқболлари, хомашёни минтақадан жаҳон бозорига экспорт қилиш маршрутларини таснифлаштиришни ривожлантириш масалаллари бўйича фикр-мулоҳазалар алмашилди.
Нефть ва газ савдосининг амалдаги схемасига, хусусан, Евроосиё минтақавий етказиб бериш ва глобал энергетикага сезиларли ўзгартиришлар кирита оладиган, келгусида истиқболли углеводород хом-ашё сифатида қаралаётган сланецсимон газни ишлаб чиқариш учун технологик базаларини такомиллаштиришга алоҳида эътибор қаратилди.
Гулнора Каримова таъкидланганидек, “Марказий осиёлик экспортчилар яқин келажакда жаҳон бозорини ривожлантириш йўллари ҳақида аниқ ва ишочли тасаввурга эга бўлишлари стратегик жиҳатдан жуда муҳимдир”.
Тадбир I.T.E. Exhibitions & Conferences Ltd. (Буюк Британия) ва ITE Uzbekistan халқаро кўргазма компаниялари томонидан ташкил этилган OGU-2010 14-Халқаро нефт ва газ конференцияси доирасида бўлиб ўтди.
Мавзу бўйича янгиликлар
Ўзбекистоннинг маданий мероси: ҳаттотлик ва меъморий эпиграфика санъати илмий анжуманини