2009 йил 2 июн
Болалар спортига алоҳида эътибор ажратиб келаётган Гулнора Каримова ёш спортчилар учун мусобақа ташаббускори ва ташкилотчисига айланди. Фонд Форум томонидан ўтказилган Baby Халқаро болалар турнири бу йилдан бошлаб расмий мақомга эга бўлди. Уни ташкил этишга жамғармага Ўзбекистон маданият ва спорт ишлари вазирлиги, Болалар спортини ривожлантириш жамғармаси, Ўзбекистон бадиий гимнастика федерацияси ва Тошкент шаҳар ҳокимияти кўмаклашди.
Бу гал ҳам «Универсал» спорт саройида ўтказилган турнир доирасида Ўзбекистоннинг турли вилоятларида жойлашган махсус спорт мактаблари ва «Форум юниор спорт» каби пойтахтимизда жойлашган спорт мажмуалари вакиллари ўз иқтидорини намойиш қилишди.
Турнир уч йўналишда ташкил этилган бўлиб, булар - хореография, гимнастика ва спорт рақсларидир. Мусобақалар очиқ тарзда ўтказилиб, иштирокчиларга чиқиш шакли, предметлар, либос ёки мусиқа танлаш борасида ҳеч қандай чекловлар қўйилмади. Улар ўз чиқишларини соло, дуэт, трио, квартет ёки гуруҳларда тақдим этишлари мумкин бўлди.
Мусобақаларда, шунингдек, россиялик ёш спортчилар ҳам иштирок этищди. Ҳакамлар ҳайъати сафида эса юртимизда хизмат кўрсатган мураббийлар орасида россиялик бадиий гимнастика бўйича кўп карра Жаҳон ва Олимпиада чемпиони Оксана Чусовитина ҳам иштирокчиларни баҳолади.
Лойиҳанинг ўзига хослиги шундаки, бу - нафақат болалик байрами, балки аввал профессионал саҳнада ижодини намойиш этиш имкониятига эга бўлмаган ёш иқтидор эгалари учун ноёб имкониятдир. Турнир унинг иштирокчилари учун катта спорт оламига қўйган биринчи муҳим қадамга айланди, деб айтиш мумкин. Тадбир якунида ғолиблар диплом ва совғалар билан тақдирланишди. Бироқ ташкилочилар уларнинг келгуси ижодий ва профессионал ўсишига кўмаклашишда давом этади.
Мавзу бўйича янгиликлар
“Болажонлар-Ширинтойлар”: Фестивалга оз қолди