2010 йил 29 март
Гулнора Каримова Фонд Форум ҳамда «IJOD» Рассомлар, санъатшунослар халқ усталари уюшмаси томонидан ташкил этилган кенгқамровли «Bazar-Art» кўргазма-ярмаркаси ғолибларига грантлар тақдим этди. Шунингдек, “Аёллар кенгаши” РЖБ ҳамда Микромолиявий ташкилотлар ва кредит уюшмалари миллий ассоциацияси томонидан “Халқамир Меҳр” ОАЖ, «Bernina Tikuv-mash» ОАЖ ташкилотлари билан ҳамкорликда ўтказилган Ёш аёлларни иш билан таъминлаш дастури доирасида Тошкент шаҳри, Тошкент вилояти, Сурхандарё вилоятидаги ёш аёлларга Швейцарияда ишлаб чиқарилган 35 та тикув машинкаларини топширди. Тикувчилик соҳасида фаолият юритувчи швейцариялик юқори малакали мутахассислар аёлларга тикув машинкасидан фойдаланиш сирларини ўргатишади.
«Bazar-Art» кўргазма-ярмаркаси 2007 йилдан бери бир йилда икки маротаба ўтказилади. Унда кўргазмада анъанавий амалий санъатнинг барча йўналишлари бўйича барча вилоятлардан 100 дан зиёд усталар иштирок этади. Улар орасида ота-боболарининг ишини давом эттириб келаётган усталар, академиклар билан бирга эндигина бу соҳада иш бошлаган ёш истеъдодлар ҳам бор. Мазкур лойиҳа анъанавий ва замонавий амалий санъат соҳасидаги ижодий салоҳиятни юзага чиқариш, кенг жамоатчиликни ушбу соҳадаги энг ёрқин тенденциялар билан таништириш ҳамда миллий меросни сақлашга йўналтирилган.
Ёш аёлларни иш билан таъминлаш дастури Ёш аёлларни иш билан таъминлаш дастури ижтимоий-иқтисодий соҳада аёллар ролини ошириш, касаначиликни ташкил этиш орқали янги иш ўринлари яратиш имконини беради. Келгусида шундай машинкаларни мамлакатимизнинг бошқа вилоятларидаги аёлларга топшириш режалаштирилган. Шунингдек, ушбу лойиҳа доирасида учта тикув машинкалари имкониятлари чекланган одамлар учун ташкил этилажак тикувчилик устахонасига топширилади. Ушбу илк устахона Тошкет шаҳрининг Яккасарой туманидаги “Ракат” қишлоғида имконияти чекланган одамларга таълим бериш ва иш билан таъминлашнинг мавжуд тизимини яхшилаш мақсадида“ Аёллар кенгаши” РЖБ ташаббуси билан ташкил этилди.
Мавзу бўйича янгиликлар
Анъанавий “Йил аёли” миллий танлови: ғолибалар аниқланмоқда